செல்வதாயின், செந்நிறம் வாய்ந்து, கிள்ளை என்னும் கிளியின் பெயரைத்
தன் பெயராகவும் கொண்டுள்ள குதிரைப் படை செல்ல இடமில்லை;
பாய்ந்து செல்லும் குதிரைகள் செல்வதாயின், யானைகள் செல்ல இடமில்லை.
இவ்வாறு சென்ற படை வெள்ளம் அளவுக்கு அடங்குவதோ?

     ஏகுக - ஏக : குகரம் இடையே சாரியை.

     "பார்வை கொண்ட கண் இமை கொட்டும் பொழுதிற்குள், குதிக்கும்
தொழிலை நடத்தும் குதிரைக் கூட்டம் வேகம்கொண்டு நடந்த
குளம்புகளினின்று எழுந்த தூசி. கோ என்றும் அழைக்கப்படும் வானத்தின்
உச்சியாகிய அழகிய இடமெல்லாம் மூடி மறைக்குமென்று கருதி, மதம்
முதிர்ந்த யானைக் கூட்டத்தை மத மாரி பொழியுமாறு குதிரைகளுக்கு
முன்னாகச் செல்லவிட்டனர்.

     முற்று + யானை - முற்றி யானை. யகரம் வரக் குற்றியலுகரம்
இகரமாயிற்று. மோடு - முகடு என்பதன் மரூஉ.