"போர் முரசின் முழக்க ஒலிகள் கார் மேகத்தின் முழக்கத்தை
வென்றன; யானைகளின் மத நீர்கள் காள மேகம் பொழியும் மழை
நீரையும் வென்றன; பாய் என்று சொன்னால், பாயும் குதிரைகள்
அச்சொல்லின் சீரையும் வென்றன; திசைகள் எங்கும் பல போர்களை
வென்று, பொன் மலையையும் வென்ற புயங்களை உடையவர் அப் போர்
வீரர். காளம் - கருமை. காள கார் - கருமையான மேகம்: 'கார்'
இவ்விடத்து 'மேகம்' என்ற பொருளில் நின்றது.

     "தம் கண்ணினின்று தாவிய நெருப்புக் கனலைக் கொண்டுள்ள இந்தக்
கடல் போன்ற பகைவர் படைகள் அணிவகுத்துச் செல்லக் கண்டு, பகைவர்
உடலைவிட்டு உயிரை விழுங்கும் கூர்மையான வேலைத் தாங்கிய
சேதையோன், தன் உள்ளத்தில் தாவிப் பரந்த தெய்வ அருள் தரும்
ஊக்கத்தால் எழுச்சிக் கொண்டு, ஒரு முப்பத்தீராயிரம் வீரரை விரைவாகத்
திரட்டினான்

     4 * 8000 = 32000. ஆல் - அசை நிலை.

                   சேதையோன் படையணி

     - விளம், - விளம், - மா, தேமா