"கவி மதத்து உயர் வலிக் கடவுள், கண்டு உளி, குவி மதத்து இபம் முதல் கொலைப் படைக் கடல், செவி மதத்து உரு உறச் சிதைத்து நான் வெல, சவி மதத்து எழுந்த இத் தானை வேண்டுமோ?

     "கவிஞர் கோட்பாடுகளுக்கும் எட்டாமல் உயர்ந்த வல்லமை கொண்ட
கடவுள், சேதையோன் திரட்டிய படையைக் கண்ட போது, (பின் வருமாறு
சொல்வான்): 'திரண்ட மதங்கொண்ட யானை முதலிய கொல்லும் தன்மை
வாய்ந்த பகைவர் படையாகிய கடலை, கேட்டோர் செவியிடத்து அச்சங்
கொள்ளுமாறு சிதைத்து நான் வெல்வதற்கு, அழகிய தோற்றத்தோடு எழுந்து
நின்ற இப்படை தானும் வேண்டுமோ?

     "'சுடுந் தன்மை வாய்ந்த நெருப்புப் போன்ற போருக்கு உள்ளம்
துவண்டு அஞ்சுவோரை விலக்கிவிட்டு, நெருப்புப் போன்ற சினம் முதிர்ந்த
வீரர் மட்டுமே நிற்பாராக' என்று கட்டளை இடவும், கண்ணினின்று
நெருப்பைக் கக்கும் திறம் வாய்ந்தோர் பதினாயிரம் பேர், நெருப்புப்
போன்ற சினத்தோடு எழுந்து கனிவோடு நின்றனர்.

     'அரோ' அசைநிலை. 2 * 5000 = 10000