"'வவ்வு ஒரு வேல் இல, மாங்குல் நாப்பணில், கவ்வு ஒரு காளம், மண் கலம், விளக்கு - இவை, ஒவ்வொருவற்கு, இடுக' என உரைத்தனன், செவ் ஒரு திருவிளையாட்டுத் தேவனே.

     "எதனையும் செவ்வையான திருவிளையாடலாக நிகழ்த்தும்
ஆண்டவன் 'பிடித்த வேல் ஒன்றும் இல்லாமல், நடு இரவில் இவருள்
ஒவ்வொருவனுக்கும் கையில் பற்றக்கூடிய ஓர் எக்காளம், ஒரு மண்
பானை, ஒரு விளக்கு - இவற்றைக் கொடுப்பாயாக' என்று கூறினான்.

     இடுக + என - 'இடுகவென' என்பது, 'இடுகென' எனத் தொகுத்தல்
விகாரமாயிற்று.

     "கதிரவன் தன் செந்நிற முகத்தைக் கடலில் புதைத்து மறைந்தபின்,
'வெற்றி உம் பக்கம் வாய்க்கும்' என்று சேதையோன் கூறி, நூறு நூறாக
மூன்று அணி பிரித்து, எக்காளம் மண்பானை விளக்கு ஆகிய மூன்றும்
தந்ததும், அவ்வீரர் போருக்குரிய பகைவர் இருந்த அவ்விடத்தை வாய்ப்
பேச்சின்றி அணுகினர்.

     'அரோ' அசைநிலை.