"சினம் கொண்ட அமலேக்கு நஞ்சு தோய்ந்த எண்ணற்ற
அம்புகளை மதியான் மீது எய்தான்; மதியானோ, நஞ்சு தோய்ந்த
எண்ணற்ற அம்புகளைத் தானும் பொழிந்து அவற்றைத் தடுத்தான். வீரம்
கொண்ட மதியான் வடுப்பட்டுத் தேய்ந்த பிறை வடிவான அம்புகளை
அமலேக்கு மீது தொடுத்தான்; அமலேக்கோ, வடுப்பட்டுத் தேய்ந்த
பிறைவடிவான அம்புகளைத் தானும் ஏவி அவற்றை அறுத்தொழித்தான்.

     "அமலேக்கு தீப்பொறி பறக்க அம்பு மாரியை மதியான் மீது
செலுத்தினான்; அது போன்று, தீப்பொறி பறக்க அம்பு மாரியை ஏவிய
மதியான் அவற்றை விலக்கினான். ஊனைப் பிளக்கத் தக்க அகன்ற
வாயுள்ள அம்புகளைச் சினத்துடன் இவனும் ஏவ, அவனும், ஊனைப்
பிளக்கத்தக்க அகன்ற வாயுள்ள அம்புகளைத் தானும் ஏவி அவற்றைத்
தடுத்தான்.

     கடைத்தல் - 'கடாவுதல்' என்ற சொல்லின் மாற்று வடிவம்.