களரிப் பெயரும் பாவை வரலாறும்

      - மா, - - காய், - மா, - மா, - - காய்

     "நிலமென்னும் பெருமகள் தன்மீது போர்த்திக் கொண்டிருந்த
இருளென்னும் போர்வையை விலக்கிக்கொண்டு, கதிரவன் தன் ஒளி
மிக்க கதிர்களாகிய கையை நீட்டி உதித்த வேளையில், தம் கண்கள்
இருளில் கொண்ட மயக்கம் தீர்ந்து தெளிந்த கடும் பகைவர்,
விண்ணுலகத்துப் பெருங் கடவுளின் வலிமையைக் கண்டு அச்சம்
கொண்டனர்.

     "அப் பதினையாயிரம் பேரும் தம் கையில் தாங்கிய கொடிய கூரிய
வேலை அசைக்கவும் இயலாமல் அஞ்சி ஏங்கித் திறம் குழைந்து ஓடத்
தொடங்கவே, யூதர் அவரை விரைந்து தொடர்ந்து, ஐம்பது நாவுகள்
கொண்டும் அமையச் சொல்ல இயலாதவாறு நடுக்கங் கொள்ள, அவர்
மீது கூரிய அம்புகளை ஏவி ஒருங்கு மாய்த்தனர்.

     மூ ஐயாயிரம்: 3 * 5000 = 15000. ஐ ஐ இரட்டி: 5 * 5 * 2 = 50.