பதினேழாவது

காசை சேர் படலம்

     சஞ்சோன் வீரங் காட்டிய காசை நகரில் திருக்குடும்பம் மூன்று
நாள் தங்கிய நிகழ்ச்சியைக் கூறும் பகுதி. சஞ்சோன் வரலாறு ப. ஏ.,
நீதிபதிகள் ஆகமம், 13 - 16 அதி.

        களரியினின்று காசை செல்லும் வழி

     - விளம், - விளம், - மா, கூவிளம்

     அழகிய தாமரை மலரைப் படுக்கையாகக் கொண்ட
பறவைகளின் ஆரவாரம் எழவும், கோழிகள் கூவி அழகிய அதிகாலை
என்பதனை அறிவிக்கவும், அன்று விடிவெள்ளி உதித்து, நிலமகள்
இருளாகிய போர்வையை விலக்கித் தன் அழகிய முகத்தைக் காட்டவே,
திருக்குடும்பத்தினர் தடம் பிடித்து நடந்து சென்றனர்.