"கார்த் திரள் அனைய ஆர்த்த கதத்தொடு கனலும் விம்மிப் போர்த் திரள் இயற்றினான், உள் புலத்து எழும் தாகம் ஆற்றா, சூர்த் திரள் பயத்த தண்டம் சுனையின் ஊற்று என,                                         என்பின் வாய் நீர்த் திரள் ஓட, சால்பின் நிமலனை வாழ்த்தி உண்டான்.

     "கருமேகக் கூட்டம் போல் முழங்கிய சினத்தோடு நெருப்பும்
பிறக்குமாறு போரைத் திரளாகத் தொடர்ந்து செய்த சஞ்சோன், அதனால்
தன் உட் புலத்து எழும் தாகத்தைத் தாங்க மாட்டாமல், பகைவருக்கு
அச்சம் மிகுதியாக விளைவித்த தன் தண்டாயுதமே சுனையின் ஊற்றாக
அமைந்து, அவ்வெலும்பினின்று நீர்த்திரள் பாய்ந்து ஓடவே, ஆண்டவனை
வாழ்த்திய வண்ணமாய் அந்நீரை மிகுதியாக உண்டான்.

              தலை மயிர்த் திறனும் முடிவும்

     -- காய், -- காய், - மா, - மா, -- காய்

     "மலையை மூழ்கடிக்கும் உறுதியான தோள் கொண்ட சஞ்சோன்,
பகைவர் வாழும் அந்நகருக்குள் ஒரு நாள் கடலில் மூழ்கும் கதிரவன்
மறைந்து போனபின் வந்து புகுந்துள்ளான் என்று அறிந்து,
எவ்விலையையும் விழுங்கக் கூடிய மணிகள் பதித்த அக்கோட்டையின்
கதவைப் பூட்டி வைத்து, விடிந்த பின் கொலையில் மூழ்கடிப்பதன் மூலம்
அவன் உயிரைப் பழிவாங்கிக் கொள்வதென்று முடிவு செய்து மிகவே
மகிழ்ந்தனர்.