பதினெட்டாவது

சீனயி மாமலை காண்படலம்

     இறைவன் மோயிசனுக்குப் பத்துக் கட்டளை அருளிய சீனயி
என்னும் சிறந்த மலையைத் திருக்குடும்பத்தினர் அடுத்துச் சென்றதைக்
கூறும் பகுதி.

                    சீனயி மலைச் சிறப்பு

      - விளம், - விளம், - மா, கூவிளம்.

     மேலுலகத்துக் குடிமக்கள் என்ற தன்மையாக மாட்சியில் மேம்பட்ட
அத் திருக்குடும்பத்தினர், கோபுர வாயிலிற் பதித்த மணிகள் ஒளி குன்றவும்,
பெரிய அகழி நீர் சிலம்பொலிபோலப் புலம்பவும், கோபுரத்தின் மேலுள்ள
கொடி துவளவுமாகக் காசை என்னும் அப்பெரிய நகரம் சிறுமையில்
வாடுமாறு நீங்கிச் சென்றனர்.

     பெருமை + அகழ் - பெரு + அகழ் - பேரு + அகழ் - பேர் + அகழ்
= பேரகழ்.