நல்ல அறக் கொள்கை உடையோர், ஒளியைத் தெளித்து எழுதிய
சித்திரம் போன்ற செல்வத்தை, இது வீணே புறக் கோலமாக வண்ணம்
தெளித்து எழுதப்பட்டதென்று மதித்து விட்டு விலகுதல்போல,
இனிமையைத் தெளித்து எழுதிய சித்திரம் போன்ற இவர்கள், பொன்னைத்
தெளித்து எழுதிய சித்திரம் போன்ற அந்நகரத்தையும் நாட்டையும் விட்டு
அன்று அகன்று சென்றனர்.

     சுற்றிலும் விளைந்து கிடந்த தினையும் பருத்தியும் மலை நெல்லும்
கூழ் அமைப்பதற்குரிய கொள்ளும் சோளமும் விளையும் கொல்லைகள்
நிரந்து கிடந்து, பெரு நிழல் விளையுமாறு மரங்கள் நிரை நிரையாக நின்ற
பல சோலைகளையும் நீங்கி நடந்து, வயிரம் பாய்ந்த மரங்களைக் கொண்ட
காடுகளையும் கடந்து மேலே சென்றனர்.

     'நிழல்' என்பதன் நீட்டல் விகாரமாகிய 'நீழல்' என்ற சொல் இறுதி
'அல்' குறைந்து கடைக்குறையாக நின்றது.