நறவு சேர் பொழில்களும், நாரை அஞ்சமோடு உறவு சேர் தடங்களும், உவந்த ஓகையின் துறவு சேர் மடங்களும், துணை தணப்பு அரும் புறவு சேர் வனங்களும் கடந்து போயினார்.

     தேன் பொருந்திய பூஞ்சோலைகளும், நாரைகள் அன்னங்களோடு
உறவு கொண்டு வாழும் தடாகங்களும், மகிழ்ந்த இன்பத்தோடு துறவிகள்
வாழும் மடங்களும், துணையை விட்டுப் பிரிதற்கரிய புறாக்கள் கூடி
வாழும் காடுகளும் கடந்து சென்றனர்.

     புறவு -- புறா; நிலவு - நிலா என்பது போல.

     அணிகலன்கள் வீசும் ஒளியோடு வானவர் புடை சூழ்ந்து வர
இவர்கள் நீண்ட வழி கடந்து போய், தன் நெடிய சிகரத்தால் வானளாவத்
தவழும் சீனயி மலையைச் சென்றடையவும், இரு விண்மீன்கள் என்னத்தக்க
வானவர் இருவர் சேர்ந்து வந்து எதிர் கொண்டனர்.

     'அரோ' அசைநிலை.