18

புடைவ ரும்புகழ் பொலிந்த மிக்கயே லடைவ ருந்தயை யணிந்த தாடொழு துடைவ ருங்கருத் துணர்ந்த வாண்மையைத் தொடைவ ருங்கனி பாவின் சொற்றினான்.

புடை வரும் புகழ் பொலிந்த மிக்கயேல் அடைவு அருந் தயை அணிந்த தாள் தொழுது, உடைவு அருங் கருத்து உணர்ந்த ஆண்மையை, தொடை வரும் கனி பாவின் சொற்றினான் :

     பக்கத்தே வந்து கொண்டிருக்கும் புகழாற் பொலிந்த மிக்கயேல்
என்னும் வானவன், அடைவதற்கரிய தயவை அணிந்துள்ள குழந்தை
நாதனின் அடியைத் தொழுது, தன் கருத்தில் உணர்ந்த ஆண்டவனின்
கெடுதற்கரிய ஆண்மைத் திறத்தை, எதுகை மோனை போன்ற
தொடையால் அமையும் கனிந்த பாடலால் சூசைக்குச் சொல்லத்
தொடங்கினான் :

            எசித்தியர் அடைந்த ஒன்பது வாதனைகள்

     -விளம், -மா, தேமா, -விளம், -மா, தேமா