திங்கள் தேர் போலவும் தோன்றி, வானத்தினின்று இறங்கி வந்த ஒரு
தேரில் ஏறி, எவ்விடத்திருந்தும் எல்லாப் பொருள்களும் அணுக இயலாத
ஓர் இடத்தில் சென்று சேர்ந்த மாமுனிவனும் தானே ஆவான்.

     அணுகாத + ஓர் - 'அணுகாதவோர்' என வரற்பாலது, 'அணுகாதோர்'
என நின்றது தொகுத்தல் விகாரம்.

     "இன்னும் இந்நாள் வரைக்கும் தன் உயிருக்கு முடிவு இல்லாமல்
இன்பக்கடலில் நிலைபெற்றுள்ள இப்பெரு முனிவனே, பின்னும்
ஆண்டவன் தனக்குள் கருதிவைத்துள்ள பிற்காலத்தில், இவ்வுலகமும்
எரிந்து, நிலைபெற்ற உயிர்களோடு உலக முடிவும் வரும் பொழுது,
ஒளியால் மின்னும் உருவத்தோடு, மீண்டும் அக்காலத்தில் இவ்வுலகில்
விளங்க வந்து தோன்றுவான்.