|
"வலப்
பக்கமாகக் கிடந்த அவ்வழியும், முதற்கண் நலமுடையதுபோல்
காட்டிக்கொள்ளும் அற்பர் நட்புபோல், முதலில் விரிவுபட்டுப் போகப்
போகக் குறுகி, கொல்லும் விலங்குகளைக் கொண்ட காட்டினுள் சென்று
புகுந்து, பின் கல் மலையில் சென்று முடியும்.
'ஆல்' அசைநிலை.
'கோறல்' என்பது கொல் + தல் என்ற தொழிற்
பெயரின் விகார உருவம்; பகுதி 'கொல்', அதனைக் கோறு + அல் எனப்
பிரித்து, 'கோறு' என்பதே பகுதி போலக் கொண்டு, கோறுமா என
வினைத்தொகை வடிவம் அமைக்கப்பட்டுள்ளது.
| 40 |
நிலத்திடத்
தரசர்கை நீதிக் கோலென
வலத்திடத் தெங்கணும் வழுவி லாநடுப்
புலத்திடத் துறைவழி பொருள்பொய் யாமறை
நலத்திடத் தெசித்தினை நல்கு மாமென்றான். |
| |
"நிலத்திடத்து
அரசர் கை நீதிக் கோல் என,
வலத்து இடத்து எங்கணும் வழுவு இலா, நடுப்
புறத்திடத்து உறைவழி, பொருள் பொய்யா மறை
நலத்திடத்து, எசித்தினை நல்கும் ஆம்" என்றான். |
"இவ்வுலகில்
அரசர் கையில் தாங்கிய நீதியுள்ள செங்கோல் போல,
வலப்புறமோ இடப்புறமோ எங்கும் சாய்தல் இல்லாமல் நடுப் பக்கத்தில்
பொருந்திக் கிடக்கும் வழி, மெய்ப் பொருளில் பொய் புகுதல் இல்லாத
வேதத்தின் நலத்தைப்போல், எசித்து நாட்டை அடையத் தருவதாகும்"
என்றான்.
| 41 |
செவ்வழி
யுளத்தினோர் சிறந்து செவ்விய
வவ்வழி நடந்தொளி யரசன் றாழ்ந்துபோய்
மெய்வ்வழி யொளிதரச் சூழ்ந்த விண்ணவர்
மைவ்வழி யிராவொரு மரத்தொ டுங்கினார். |
| |
செவ்வழி உளத்தினோர்
சிறந்து, செவ்விய
அவ்வழி நடந்து, ஒளி அரசன் தாழ்ந்து போய்,
மெய் வழி ஒளி தரச்சூழந்த விண்ணவர்,
மை வழி இரா ஒரு மரத்து ஒடுங்கினார். |
|