முனிவர் எதிர்கொள்ளல்

      - மா, - - காய், - மா, - மா, - - காய்.

     தம்மைச் சுற்றிலும் பரவுமாறு கதிர் வீசும் முகங்கொண்ட இம்மூவரும்,
படர்ந்த அப்பூஞ்சோலையில் மறைவாக விரைந்து செல்கையில், அங்குக்
கனிகளைக் கொய்து திரிந்த, பேரீச்சை இலையாற் செய்த ஆடையால் தம்
உடம்பைப் போர்த்திய முனிவர்கள் எதிர் கொண்டு வந்து, விருந்து
பேணுவார்போல், மிக்க கனிவு பொருந்த இவ்வாறு கூறுகின்றனர்,

     "மண்ணுலகிலுள்ள மக்கள் இனம் வந்தடையாத இவ் வனத்தில் வந்து
சேர்ந்த வானுலகிற்குரிய வடிவம் கொண்டவர்களே, நீங்கள் வானுலகைச்
சேர்ந்த வானவர் இனத்தைச் சேர்த்தவர்தாமோ? மனித குலத்தவரோ?
அன்றியும், கண்ணுக்கு அமைந்த அழகெல்லாம் கடந்த அழகுள்ள நீங்கள்,