கொடுமை கொண்ட இம் மண்ணுலகச் சார்புடையோரின் வளர்ந்த
பகையாகிய துன்பத்தைத் தாங்கிக் கொண்டு அறத்தில் நிலைபெறக்
கூடியவர் யார்? சொல்லுவாய்" என்றான்.

     'குன்றும் குன்றும்' என்பதனை, 'எறும்பூரக் கல்லும் தேயும்' என்பது
போற் கொள்க. 'சொல்மின்' என்றவிடத்து, 'மின்' ஒருமைக்கு வந்தது
புதிய மரபு.

     இவ்வுலகம் போற்றி அணியத்தக்க திலகம் போல நல்ல
அறவொழுக்கத்தைத் தனக்கு மாலையாகக் கொண்டுள்ள சூசை, "நீர்
தாங்கிக் கொள்வதனால் மலர் மிதப்பதற்கு நிகராக எல்லாம் வல்லவனாகிய
ஆண்டவனின் கை அருட்சிறப்போடு ஏந்திக் கொள்கையில், எவர்
அறத்தில் நிலைபெறார்? பகைவர் பகையும் செல்வத்தைத் தருமென்பது,
அழகைத் தாங்கிய வண்ணம் இங்குச் சித்திரமாக வரைந்துள்ள இந்தக்
கதையே எடுத்துக் காட்டும்" என்றான்.

     'நீர் ஏந்தி மலர் மிதக்கும்', என்று நிறுத்தி, 'நிகரா வல்லோன்'
எனக் கூட்டினும் அமையும்.