தொடுத்த தன்மையாகப் பிரம்பை ஓங்கவே, யானை முதலிய விலங்குகள்
எல்லாம் தம் நிலை கெட்டு, யாரும் உணர முடியாத நோயால் தளர்ந்து
நொந்து இறக்கும்.

     'மாதோ' அசைநிலை.

     "தீயினால் சுட்ட புண் ஆறினாலும் ஆறாத தன்மையாய் பாவம்
விளைவிக்கும் செருக்கை அம்மன்னிடமிருந்து நீக்கும் பொருட்டு, மீண்டும்
வரவிட்ட இந்நோய் போதாமல், இம் மோயிசன் வேகமாய்ச் சுழற்றிய
பிரம்பினால் அரசன் முதல் அனைவரும் குட்ட நோய்க் கொண்டனர்.
யூதர் மட்டும் எசித்தியர் பட்ட துன்பம் ஒன்றுக்கும் ஆளாகாமல்
வருத்தமின்றி வாழ்ந்திருக்க, எசித்தியர் எல்லோரும் அவற்றால் உள்ளம்
குலைந்தனர்.

     "உலையினின்று தீயை முகந்து அருந்தும் மன்னனின் நெஞ்சம்
அச்சம் கொள்ளுமாறு, மோயிசன் மீண்டும் பிரம்பை ஓங்கிச் சுழற்றவே
மேகம் கடல் நீரை முகந்து அருந்தி விரைந்தெழுந்து முழங்கி
நெருப்புப்போல் மின்னி, கற்களை முகந்து அருந்திக் கக்கிய தன்மைபோலப்
பெய்த ஆலங்கட்டி