"ஆர் முகத்து எனக்கு ஓர் ஐயன் ஆம் நாய்கன், அனைத்துமே                                    உனை அலால் அளித்த சீர் முகத்து, இன்னாது அவற்கு நான் கருதச் சிந்தையும் இயலுமோ?'                                    என்று, இப் போர் முகத்து ஓடி ஒளித்தனர் வெற்றி புணர்ந்து உய்வார் என்ன                                    உள் தேறி, கார் முகத்து ஒளித்த மின் என ஒல்கிக் கரந்து உய்யல் கருதினான்                                    மாதோ.

     "'ஆர்வத் தன்மையால் எனக்கு ஒரு தந்தையுமாகிய தலைவன்,
உன்னைத் தவிர மற்றவற்றையெல்லாம் என் கையில் ஒப்படைத்த சிறப்பு
நோக்கி, அவனுக்குப் பொல்லாங்கு ஒன்றை நான் மனத்தாலும் கருத
இயலுமோ?' என்று கூறி, இக்காமப் போரின் முன் ஓடி ஒளித்தவரே
வெற்றி பொருந்தி மீள்வரென்று உளத்தில் தெளிந்து, கருமேகத்தினிடையே
மின்னி மறைந்த மின்னல் போல ஒடுங்கி மறைந்து தப்புதலைக் கருதினான்.

     'மாதோ' அசைநிலை. 'ஆர்வம்' என்பது, 'ஆர்' எனக் குறைந்து
நின்றது. இப்பாட்டின் கருத்து 4 : 21, 28 : 46, 155 ஆம் பாடல்களிலும்
வருவதைக் காண்க.