|
அரசன்
கண்ட கனவு
- மா, கூவிளம்,
கூவிளம், கூவிளம்.
| 82 |
நறைபட்
டாவிசெய் நல்லகில் வெந்தகால்
சிறைபட் டச்சிறை பட்டில தேரறத்
துறைபட் டாணரன் றானுந்து ளங்கினான்
குறைபட் டாரெவர்க் குங்குறை யாற்றினான். |
| |
"நறை பட்டு ஆவி
செய் நல் அகில் வெந்த கால்;
சிறை பட்டு, அச்சிறை பட்டு இல, தேர் அறத்
துறை பட்டு, ஆணரன், தானும் துளங்கினான்;
குறைபட்டார் எவர்க்கும் குறை ஆற்றினான். |
"அகில் நெருப்பில்
வெந்த போதே தன் மணம் வெளிப்பட்டுப்
புகையை வீசும்; அதுபோல், ஆணரன், தான் சிறைப்பட்டிருந்தும்,
சிறைப்படாதவன்போல், தேர்ந்த அறநெறியில் ஈடுபட்டு, தானும்
துலங்கினான்; அங்குக் குறைப்பட்டு நின்றவர் எவர்க்கும் குறையும்
தீர்த்தான்.
'செய்யும்'
என்னும் வினைமுற்று, இடைக்குறையாய்ச் 'செய்ம்'
என்று ஆகி, புணர்ச்சியில் மவ்வீறு கெட்டு 'செய்' என நின்றது.
| 83 |
தேரெ ழுஞ்சுடர்
சேரிட மவ்விடம்
பேரெ ழுங்கதிர் பெற்றுவி ளங்குமா
லேரெ ழுங்கதி வீட்டினின் னானுறை
சூரெ ழுஞ்சிறை தோன்றிய தாமரோ. |
| |
"தேர் எழும்
சுடர் சேர் இடம் அவ் இடம்
பேர் எழும் கதிர் பெற்று விளங்கும் ஆல்;
ஏர் எழும் கதி வீட்டின், இன்னான் உறை
சூர் எழும் சிறை, தோன்றியது ஆம் அரோ. |
|