|
"தேரில் எழுந்து
வரும் கதிரவன் சேர்ந்த இடமாகிய
அவ்விடமெல்லாம்அதினின்று எழும் பெருங் கதிரொளியைத் தானும் பெற்று
விளங்கும்; அதுபோல், இவன் வாழ்ந்த துன்பம் பொருந்தும் சிறையும், அழகு
விளங்கும் மோட்ச வீடுபோல் தோன்றியது.
ஆல் - அம்
- அரோ: அசைநிலைகள்:
| 84 |
ஒளிப டப்பசும்
பொன்னுலை பெய்தெனத்
தெளிப டச்சிறை பெய்தன வாணரன்
களிப டக்கருத் தேந்திய காட்சியா
லளிப டக்கனிந் தும்பரொத் தாயினான். |
| |
"ஒளி படப் பசும்
பொன் உலை பெய்து என,
தெளி படச் சிறை பெய்தன ஆணரன்,
களி படக் கருத்து ஏந்திய காட்சியால்
அளிபடக் கனிந்து, உம்பர் ஒத்து ஆயினான். |
"பசும் பொன்னை
அதன் ஒளிமிகுமாறு உலையில் இட்டது போல்,
தானும் தெளிவு பெறுமாறு சிறையிடப்பட்ட ஆணரனும் தன் உணர்வில்
களிப்பு ஏற்படுமாறு கொண்ட அறிவுக் காட்சியால் இறைவன் அருள்
தன்னை வந்தடைந்தமை கண்டு கனிந்து, வானவர்க்கு நிகராய்
விளங்கினான்.
| 85 |
நீர்பு தைத்தொளி
நேமியெ ழுந்தவிர்
சீர்பு தைத்த சிறைநெடு நாளுறீஇ
யேர்பு தைத்தவிவ் வோவியத் தீங்கவன்
கார்பு தைத்தமி னொத்தெழக் காண்மினே. |
| |
"நீர் புதைத்து
ஒளி நேமி எழுந்து அவிர்
சீர் புதைத்த சிறை நெடு நாள் உறீஇ,
ஏர் புதைத்த இவ் ஓவியத்து ஈங்கு, அவன்
கார் புதைத்த மின் ஒத்து எழக் காண்மினே! |
|