'அல்நவத்து எழும் எல்லை ஒத்து' - இல்பொருள் உவமையணி.

     "'ஞாயிறு ஒளி பட்டு ஒளிரும் பளிங்கு போல், நீ இழிவு இன்றியும்
களிப்புக் கொண்டும் போற்றிய இறைவன் தரும் காட்சியால், இங்கு
இவரெல்லாம் தெளிவு கொண்டு தெரிந்து கூற இயலாதவற்றை நீ
வெளிப்படக் கூறுமாறு, நான் கனவிற் கண்டவற்றைக் கூறுவேன்: கேள்'
என்று, தொடர்ந்து சொல்லலானான்:

     "'பூக்கள் நிறைந்த ஒரு சோலையினிடத்து மேய்ந்த ஏழு பசுக்கள்
செழுமையுடன் விளங்கியது நான் முதலிற் கண்ட கனவு;
அப்பசுக்களையெல்லாம் ஈக்கள் மொய்த்து மெலிந்த வேறு ஏழு பசுக்கள்
அச்சோலையில் பின் வந்து நிறைந்து, செழுமையோடு விளங்கிய அவற்றை
விழுங்கவும் கண்டேன்' என்றான்.