94

மெலிவொ டுற்றபின் னேழ்நிரை வேய்ந்துதா மலிவொ டுற்றமுன் னேழ்நிரை மாந்தலாற் பொலிவொ டுற்றவே ழாண்டுள பூரியைக் கலியொ டுற்றவே ழாண்டுக றிக்குமால்.

"'மெலிவொடு உற்ற பின் ஏழ் நிரை வேய்ந்து, தாம் மலிவொடு உற்ற முன் ஏழ் நிரை மாந்தலால், பொலிவொடு உற்ற ஏழ் ஆண்டு உள பூரியைக் கலியொடு உற்ற ஏழ் ஆண்டு கறிக்கும் ஆல்.

     "'மெலிவோடு பின் வந்துற்ற ஏழு பசுக்கள் சிறந்து, செழுமையோடு
முன் வந்துற்ற ஏழு பசுக்களை உண்டுவிட்டமையால், செழுமையோடு
அமைந்த ஏழாண்டுகளாய்த் திரட்டிய செல்வத்தையெல்லாம் பஞ்சத்தோடு
வந்து சேர்ந்த ஏழாண்டுகள் உண்டு தீர்க்கும்.

     நிரை - மந்தை: இங்கு முதலாகு பெயராய், அதன் சினையாகிய
பசுவைக் குறித்தது. ஆல் - அசைநிலை.

     "'அறியக் கண்டதை ஆராய்ந்து பார்த்து, அதற்குக் களங்கம் வரா
வண்ணம் செயலாற்றுதலே ஆட்சி வளத்தில் மன்னர் அணுகத்தக்க முறை
ஆகும்; வானுலக மன்னனாகிய ஆண்டவனே தந்த இக் கனவுக் காட்சியின்
பொருளை அறிந்து கொண்ட தன்மைக்கேற்ப நடந்து, குற்றமற ஆள்வாயாக.

     'அரோ' அசைநிலை. 'ஆள்மின்' என்றவிடத்து, 'மின்' ஈறு ஒருமைக்கு
வந்தது புதிய மரபு.