96

மலிந்த வாண்டினி லீட்டலு மற்றவை மெலிந்த வாண்டில்வ குத்தலு மிக்குறும் பொலிந்த வாண்மைபொ ருந்திடத் தேருதி வலிந்த நாட்டுயி ராயமன் னாவென்றான்.

"'மலிந்த ஆண்டினில் ஈட்டலும், மற்று அவை மெலிந்த ஆண்டில் வகுத்தலும் மிக்கு உறும்; பொலிந்த ஆண்மை பொருந்திடத் தேருதி, வலிந்த நாட்டு உயிர் ஆய மன்னா!' என்றான்.

     "செழித்து விளைந்த ஆண்டில் சேர்த்து வைத்தலும், பின்
அவற்றையே விளையாமல் மெலிந்த ஆண்டில் பகிர்ந்தளித்தலும் மிகவே
தகும்; வலிமை வாய்ந்த இந்நாட்டுக்கு உயிராகிய மன்னனே, இது வரை
பொலிவுடன் விளங்கிய உன் ஆட்சித் திறம் நீங்காது பொருந்துதற்கு
ஆனதைத் தேர்ந்து செய்வாயாக' என்றான்.

               ஆணரன் எசித்துக்கு ஆளுநன்

      - விளம், - மா, தேமா, - விளம், - மா, தேமா

     "தெய்வ நூல் நெறியால் ஆணரன் கண்டு சொன்ன இனிய சொல்லை,
மின்னொளி பொழியும் வேலைக் கையில் தாங்கிய மன்னன், மெல்லிய
பூவிதழிடையே கனிந்த தேன் போல், வியப்போடும் இன்பத்தோடும் கேட்டு,