"நான் சொல்லிக் காட்டிய தன்மையால், பசுங் கதிரையே
தெளித்து எழுதியது போன்ற கோலின் திறத்தாலும், மணியின் சாயலாக
எழுதப்பட்ட வளமுள்ள இக்கதையை நான் கூறியவற்றை நினைவிற்கொண்டு
ஒழுங்குபடப் பாருங்கள்; துன்பத்தின் மூலமாக இறைவன் விளைவிக்கும்
பெரும் பயனால், ஒருவன் நாட்டில் இருந்து கொண்டே அருளோடு
அழகுபடச் செய்த அறம் உலகையே காத்தது" என்று சூசை கூறி முடித்தான்.

              முனிவர் போலித் தவம் புறக்கணித்தல்

      - விளம், - விளம். - மா, கூவிளம்

     சேற்றில் வளரும் தாமரையின் விரிந்த செந்நிற இதழ், வானில்
பெருமையோடு தங்கும் கதிரவனின் வெப்பமான கதிரை விழுங்கியதுபோல,
அறிவு நூல் துறைகளிலெல்லாம் புலமை கொண்டுள்ள சூசை தன் வாயால்
கூறிய நுண்ணிய உரை என்னும் ஊற்றினின்று பிறந்த இனிமையை,
அம்முனிவரெல்லாம் மேற்கூறியவாறு உண்ணலாயினர்.