சூசை, பலவாறாக அம்முனிவர் கூறிய சொல்லின் கருத்தைக்
கண்டறிந்து, முந்திய போலித் தவ நெறியை விட்டொழித்த அம்முனிவர்
யாவரும் நல்ல தவ நெறியை உணர்ந்து கொண்டதனால் ஏற்பட்ட
இன்பத்தோடு, மேலும் குற்றமற்ற நிலையான தவ நெறிக்கான உறுதி
நிலைகளை அவர்களுக்கு வகுத்துக் காட்டினான்.

     சூசை சொல்லிக் காட்டிய உறுதிகளும், கதிரைத் தெளித்தாற்போல்
அங்குத் தீட்டியிருந்த ஆணரன் வரலாறும் தமக்குத் தந்த ஞானம் தம்
உள்ளத்தில் ஊட்டிய இன்பத்தால் அம் முனிவர் தம் உள்ளம் குளிர்ந்தாற்
போல, ஞாயிறு வளைத்துக் கொண்ட கதிர்கள் மறைந்து போகவே நிலமும்
குளிர்ந்தது.

     அம்முனிவர், இவ்வாறு தம் மனக்கோட்டம் ஒழிந்து, துயில் மூலம்
சோர்வும் நீங்கப் பெற்றனர். அப்பொழுது, செவ்விய தன் உள்ளம் போல்
தேனைப் பொழியும் மலர்க் கோலை உடைய