இருபத்தோராவது

நீர்வர மடைந்த படலம்

     திருமகனைப் போர்த்திய துணியைத் தாய் ஒரு தடாகத்தில்
தோய்க்கவே, அதன் நீர் பிணி தீர்க்கும் வரம் பெற்றதைக் குறிக்கும் பகுதி.

                      மோயிசன் பிறப்பு

     - விளம், - மா, தேமா, - விளம், - மா, தேமா

     கரு மேகத்தை விட்டகன்ற திங்கள் கதிரொளி பரப்புதல் போல்
திருமகன் தோன்ற, நிலமகள் தன் முகத்திற் கொண்ட இரு கண்களை
ஒத்த சூசையும் மரியாளுமாகிய அவ்விருவரும், போரிடுதல் போல்
வண்டுகள் ஆரவாரிக்கும் சோலையைக் கடந்து போகையில், நெடுந்தூர
வழி கடந்து சென்ற பின்னர், நீர் ஓடுங்கால் அரிய பொன்னைக் கரையிலே
கொழிக்கும் ஒரு நெடிய ஆற்றை எதிர்கொண்டு, அதன் அருகே சென்றனர்.