'தோன்றும்' என்ற சொல் வருவித்து முடிக்கப்பட்டது.

     - மா, கூவிளம், கூவிளம், கூவிளம்.

     பற்றின் காரணமாகப் பாவத்தைப் பற்றிக் கொண்ட இருண்ட
உள்ளம் படைத்த மக்கள், தாம் கற்ற நூலாற் பெறும் முதன்மைப் பயன்
இல்லாத விதமாய், இவ்வுலகில் வந்தடைந்த ஆண்டவனைத் தாம் அறிந்து
கொள்ளாமையால், அறிவில்லாத பறவைகள் அவ்வாண்டவனுக்கு
இவையெல்லாம் செய்தன.

     "கற்றதனால் ஆய பயன்என்கொல், வால்அறிவன், நல்தாள்
தொழாஅர் எனின்?" என்றவாறு (குறள் 2), ஆண்டவனைக் கல்வியின்
பயனாக அறியாமலும், அறிந்ததற்கு அடையாளமாக அவன் தாள்
தொழாமையாலும், கற்ற நூல் பயன் இல்லாததாயிற்று.