இருபத்திரண்டாவது

எசித்து சேர் படலம்

     திருக்குடும்பத்தினர் எசித்து நாட்டினுட் சென்று சேர்ந்த செய்தியைக்
கூறும் பகுதி.

                    வானவர் வழி காட்டல்

      - மா, கூவிளங்காய், கூவிளம், தேமா, - மா, கூவிளங்காய், கூவிளம்,
தேமா.

     தாமே தந்துதவிய தெய்வ அருள் நிலவும் என் இதயத்தில் இருந்து
கொண்டு, அன்பு செய்து அரிய முறையால் என்னை ஆண்டு நடத்துபவரும்,
பாவ இருளில் உலாவிக்கொண்டிருக்கும் மனித உயிர்கள் யாவற்றையும்
மீட்டுக் காக்க வேண்டி இன்பம் காட்டி இவ்வுலகு வந்தடைந்தவருமாகிய
இயேசு மரியாள் சூசை என்னும் அம்மூவர்தம் தெளிவு கொண்ட மலர்
அடிகளை என் தலைமேற் சூடி, அவர்தம் புகழைத் தெளிவுபடுத்திக் கூற
முற்பட்டு, பொருள் வளம் மிக்க எசித்து என்னும் நாட்டுள் புகுந்து அவர்
செய்தவற்றை நான் சொல்லத் தொடங்குவேன்.

     'அவர் இசை பா தெள் இயற்றிக் கூற' என மாற்றிக் கூட்டுக.
'ஆளும் மூவர், எய்திய மூவர்' எனக் கூட்டுக.