7

அடிவைத்தன வன்பினொ                 டாங்கெவணுங் கடிவைத்தன பூமலர் கான்றமது பொடிவைத்தவ ழிப்புடை சேறுலவ விடிவைத்தன காரிணை தூறினதே.

அடி வைத்தன அன்பினொடு,                  ஆங்கு எவணும் கடி வைத்தன பூ மலர் கான்ற மது, பொடி வைத்த வழிப் புடை சேறு உலவ, இடி வைத்தன கார் இணை தூறினதே.

     அம்மூவர் அடி வைத்த அன்பின் தன்மையால், அங்கு மணம்
பொருந்தப் பூத்த மலர்கள் எங்கும் பொழிந்த தேன், தூசி கிடந்த வழிப்
பக்கமெல்லாம் சேறாகும்படி, இடியைக் கொண்ட கருமேகத்திற்கு
இணையாகப் பெய்து கொண்டிருந்தது.

     ஊனுடலைத் தாங்கிய ஆண்டவன் அங்கு வருதலால், மணம் ஏந்தி
நின்ற சோலை தோறும், மயில்கள் விண்மீன் போன்ற கண்களைத் தாங்கிய
தம் தோகைகளை விரித்து ஆடி உலாவவும், ஏனைய பறவைகள் தேனை
ஏந்தியது போன்ற அவனது இனிய புகழைப் பாடிக் கொண்டிருக்கும்.