வீணான ஒளித் திறத்தோடு நிலைகொண்டிருந்த பேய்க் கூட்டம்
இவ்வாறு நரகத்தில் விழவே, பொன்னொளி கொண்ட அவற்றின்
கோவில்கள் யாவும், நிறைந்த மணிகளால் அழகு செய்யப்பட்ட உருவச்
சிலைகளும் தேர்களும் தம் மின்னல் ஒளி கொண்ட சாயல் கெட்டு
வீழ்ந்தன. அவற்றைக் கண்ட யாவரும், நிலையான ஒளித்திறம் கொண்ட
ஆண்டவன் வழியை அறிந்து கொள்ளாமல், வியந்து நின்றனர்.

     குணங்கு + இனம் - குணிக்கு + இனம்-குணுக்கினம்.

     தம்மை நம்பிய உயிர்களை நரக நெருப்பிலிட்டுக் கொல்லாது
கொல்லுமாறு, அவ்வுயிர்கள் நிலை நாட்டிய தேவராக இருந்து கொண்டு,
அவ்வுயிர்கள் மீது கொதித்த பகையால் அவற்றைக் கொண்டே தீவினை
விளைவித்துக் கொண்டிருந்த பேய்கள், தம்மைச் சினந்த குழந்தைநாதன்
முகத்தின் முன்னர் பதைத்து வீழ்ந்து நரகில் ஒளிந்துகொண்டதை நோக்கி,
தேனாகிய நீரைக் கொண்டுள்ள மலர்கள் பொருந்திய கோலைத் தாங்கிய
சூசை தன் மனத்தால் உண்ணும் மகிழ்ச்சிச் சுவை நீங்காதவனாயினான்.