இனி, 'உரை உயிர்ப்பு உறாது என' என்பதற்கு, 'உரையால்
வெளிப்படுத்துதல் தமக்கு இயலாதெனக் கண்டு' என உரைக்கினும்
அமையும்.

     நீரைத் தன்னகத்து நிறையக் கொண்டுள்ள நீல மணி போன்ற
நிறமுள்ள கருமேகம் போல், தாம் சென்ற நிலப்பகுதிகளெல்லாம்
குளிருமாறு வானுலக நன்மைகளைப் பொழிந்த வண்ணமாய்ப்போய், அன்பு
நிறைந்த தம் உள்ளம் வருந்தும்படி இம்மூவரும் நடந்து, ஐம்பது நாட்கள்
கடந்த பின்னர், அழகைத் தன்னகத்து மிகுதியாகக் கொண்டுள்ள
அந்நகரத்தில் தங்கச் சென்றனர்.

     அழகு வளரும் தம் முகத்தைக் காட்டிலும் அகம் சிறந்து விளங்கும்
மாண்பு கொண்ட அம்மூவரும், சிறப்பு வளர்வதற்குக் காரணமான
அறவொழுக்கமும் தவமும் தியாகமும் மற்ற நல்லியல்புகளும் வளர்க்கும்
வேதத்தைத் தம்மோடு உடன் வந்து புகக் கொண்டு, நெடிய அந்நகரில்