இவற்றையெல்லாம் கண்டும், இவை உண்டான காரணம் ஒன்றும் தானும்
உணர இயலாமல், மீண்டும் எரியும் நரக நெருப்பில் விழுந்து சோர்ந்தான்.

     அருவுருவம் உருவுருவம் என்னும் இருவகை உருவங்களும்
பேய்ச்சாதிக்கு இல்லையெனினும், கொண்ட நிலைக்கு வேண்டிய
உருவெடுத்துத் தோன்றத் தனக்குள்ள வல்லமையால் அங்கு ஓர்
உருவமெடுத்து நின்ற பேய்க்கரசன், ஒப்பற்ற இடிபோல் முழங்கி அலறி,
அச்சத்தால் வருந்தும் தன் மனத்தை எரிக்கும் தீங்கைத் தீர்க்கும்
பொருட்டு, பேய் வீரரையெல்லாம் போருக்கென்று அழைத்தான்.