|
திருகி மேட மருப்பு
ஈர் ஏழ் செறி, செஞ் சடை நீட்டு, ஏழ் சிரத்தான்;
பருகி எரியைக் கால் இரத்தப் பருதித் தடத்த விழிக் கண்ணான்;
உருகி ஒழுகு நஞ்சு உமிழ் மால் ஓங்கல் நெடுங் கைத் துண்டத்தான்;
பெருகி அழலோடு ஊன் பிளிரும் பிறைக் கூன் எயிற்று வாய் உருவான். |
அப்பேய்க்கரசன்
திருகி அமைந்த செம்மறிக் கிடாய்க் கொம்புகள்
பதினான்கு செறிந்தும், செந்நிறச்சடைகள் நீண்டும் விளங்கிய ஏழு
தலைகளை உடையவன்; நெருப்பைப் பருகிக்கக்கும் இரத்த மயமான வட்ட
வடிவத்துப் பெரிய கண்களை அத்தலைகளிடத்துக் கொண்டவன்; உருகிப்
பாயும் நஞ்சை உமிழும் பெரிய யானையின் நெடிய துதிக்கை போன்ற
மூக்குகளை உடையவன்; நெருப்போடு ஊனும் பெருகிப் பாயும் பிறை
போல் வளைந்த பற்களைக் கொண்ட வாய்களையும் உடைய வடிவம்
படைத்தவன்.
திருகல் சொல்லியமையால்,
'மேடம்' இங்குச் செம்மறியைச் சுட்டியது.
| 7 |
வேனேர்
நிறுவி வேசரிநேர் விரிந்து திளைத்த மயிர்ச்செவியா
னூனே ரொழுகிப் பிணக்குப்பை யுதட்டு நாறும் பகுவாயான்
கானேர் நெருங்கித் தெங்கிலைநேர் கழுநீள் சிவந்த தாடியினான்
றானே ரிலமா சொருங்கனைத்துந் தரித்த குரக்கு முகவடிவான். |
| |
வேல் நேர் நிறுவி,
வேசரி நேர் விரிந்து, திளைத்த மயிர்ச் செவியான்;
ஊன் நேர் ஒழுகி, பிணக்குப்பை உதட்டு நாறும் பகு வாயான்;
கான் நேர் நெருங்கி, தெங்கு இலை நேர் கழு நீள் சிவந்த தாடியினான்;
தான் நேர் இல மாசு ஒருங்கு அனைத்தும் தரித்த குரக்கு முக வடிவான். |
|