கவலை கொண்டுள்ள பேய்க்கரசனை நோக்கி, தானே தடவிக் கொடுத்த
அவன் அடிகளைப் போற்றி, நெருப்பைக் கக்கி, முதலில் பின்வருமாறு
சொல்லத் தொடங்கினான் :

     'கடாவிய அசனி அன்ன' என்பதனை, 'அசனி கடாவி அன்ன'
எனக் கொள்க. 'தடவிய' என்பது, எதுகைப் பொருட்டு, 'தடாவிய' என
நீட்டம் கொண்டது.

     தேமா, தேமா, கூவிளம், தேமா, புளிமாங்காய்

     "தந்திரம் உடையோர், கண்டவற்றை ஆராய்ந்து பார்த்து, குறையே
தமக்கு நேர்ந்து முடிந்ததாகக் கருதமாட்டார். தம்மீது தாமே ஐயம்
கொண்டால், நிறை அறிவும் மெலிந்து போகவே, தப்பிப் பிழைப்பாராதல்
அரிது. அவ்வானுலகில் போர் ஏற்பட்டு, வானுலகினின்று இறங்கி விழுந்த நாளில் ஏற்பட்ட கேடு என்ன? அதன் மூலம், இவ்வுலகிலுள்ளோரெல்லாம் போற்றிய ஆட்சியின் வலிமையே பெற்றுக் கொண்டுள்ளாய்.

     'கோல்' ஆட்சிக்கு ஆகுபெயர். கண்டவை எண்ணலாவது, அவற்றை
ஆராய்ந்து களைய வழி நாடுதல். 'அய்யம்' 'ஐயம்' என்பதன் போலி,
'வய்யம்' 'வையம்' என்பதன் போலி.