அங்கு அறிமுகமானவர் இல்லாமை, உறவினர் இல்லாமை,
அறவுணர்வு கொண்டவர் இல்லாமை, அங்குச் செல்லும் வழித் தெரியாமை,
வழியைக் கடந்து தொலைக்கும் துணை இல்லாமை, வழியில் பொன்
இல்லாமை, பிற சார்பு எதுவும் இல்லாமை, தன்னிடம் வறுமைத்தன்மையே
அல்லாமல் வேறொன்றும் இல்லாமை - இவற்றையெல்லாம் நினைந்து
வருந்தினான்; இவ்வாறெல்லாம் சிறிது நேரம் வருந்தியும், பின் அங்கிருந்து
பிரிந்து மரியாளிடம் சென்றான்.

                    எசித்துப் பயணம்

     - விளம், - விளம், - மா, கூவிளம்

 

8

வேரியந் தாரினான் விரைந்தெ ழுந்தனன் மாரியந் தாரையின் வளர்கண் டாரைநீர் நேரியந் துணைவியை நேடி நாயகன் றேரியங் கேவிய பணியைச் செப்பினான்.

வேரி அம் தாரினான் விரைந்து எழுந்தனன்; மாரி அம் தாரையின் வளர் கண் தாரை நீர் நேரி, அம் துணைவியை நேடி, நாயகன் தேரி அங்கு ஏவிய பணியைச் செப்பினான்.