கலை புறங்கண்டு ஒளிர் ஞானம் கடந்துஇறையோன், கன்னித் தாய்க்கு இலை புறம் கண்டு அலர் உயர்த்தோன் கணவன் என ஈந்தன கால், கொலை புறம் கண்டு இகல் குணுங்கிற்கு இவை ஒளிப்பக் குறித்தனனே நிலை புறங்கண்டு ஆண்டகை, முன் நினைத்த பயன் இன்று உளது ஆல்.

     கலைகளையெல்லாம் வெற்றிகொண்டு ஒரும் ஞானத்தையும் கடந்து
நின்ற ஆண்டவன், இலைகளைப் புறத்தே தள்ளிவிட்டு மலர்க் கொடியைத்
தாங்கிய சூசையை அக்கன்னித் தாய்க்குக் கணவனெனத் தந்த நாளில்,
கொலையைப் புறத்தே தள்ளி வைத்துப் பகை கொண்டுள்ள பேய்களுக்கு
இவற்றை யெல்லாம் மறைத்து வைக்கக் கருதினான்; எந்நிலையையும் வெற்றி
கொண்ட ஆண்டவன், முன் நினைத்த பயன் இவ்வாறு இன்று நடை
பெறுவதாயிற்று.

     'ஆல்' அசை நிலை, "மரி என்பவள் புருடன் உள்ளவள் ஆகையில்,
கன்னியல்லள் என்று பசாசு எண்ணினதாகையால், அவள் ஈன்ற பிள்ளையும்
நாதன் அல்ல வென்று நிச்சயித்தமையால், ஆண்டவன் நினைத்த பயன்
கண்டது என்றான் என்க" என்பது பழையவுரை அடிக் குறிப்பு.

                 பேய்க்கரசன் சின மொழி