|
பேய்க்கரசன்
முடிப்புரை
- விளம், -
விளம், - மா, கூவிளம்
| 113 |
மஞ்சொடு
கடலொலி மயங்க வார்த்தபேய்
நஞ்சொடு வளர்சட நடையி லின்னவா
யஞ்சொடு மும்மதி யளவும் போக்கிவெந்
நெஞ்சொடு வளர்பழி நினைக்குந் தன்மையோ. |
| |
மஞ்சொடு கடல்
ஒலி மயங்க ஆர்த்த பேய்,
நஞ்சொடு வளர் சட நடையில், இன்ன ஆய்
அஞ்சொடு மும் மதி அளவும் போக்கி, வெம்
நெஞ்சொடு வளர் பழி நினைக்கும் தன்மையோ? |
மேகத்தின் இடியோசையோடு
கடலோசையும் கூடிய தன்மையாய்
முழங்கிய பேய்கள், நஞ்சோடு கூடிய வஞ்சகப் போக்கில், ஐந்தோடு
மூன்றுமாக எட்டு மாதம் வரையில் இவ்விதமாய்ப் போக்கி, தம் கொடிய
நெஞ்சோடு வளர விட்ட பழிச்செயல் ஒருவர் நினைக்கும் தன்மைக்கு
அடங்குவதோ?
அஞ்சு - ஐந்து
என்பதன் போலி.
| 114 |
இழுக்கியை
செருக்கெழ வின்ன யாவையும்
வழுக்கியை களிப்பொடு கேட்ட மன்னவ
னொழுக்கியை செவிகளை யொலுக்கிக் கொம்பசைத்
தழுக்கியை யெயிற்றுவா யவிழ்த்துக் கூறினான். |
| |
இழுக்கு இயை செருக்கு
எழ இன்ன யாவையும்,
வழுக்கு இயை களிப்பொடு கேட்ட மன்னவன்
ஒழுக்கு இயை செவிகளை ஒலுக்கி, கொம்பு அசைத்து,
அழுக்கு இயை எயிற்று வாய் அவிழ்த்து, கூறினான்: |
பின் இழுக்கு
உண்டாக்கும் தற்செருக்கு ஏற்படத்தகும் இவை
எல்லாவற்றையும், தவறு நேர்வதற்குக் காரணமான களிப்போடு கேட்ட
பேய்க்கரசன், ஒழுங்குபட அமைந்த தன் செவிகளை நிமிர்த்தி, கொம்புகளை
அசைத்து, அழுக்கு நிறைந்த பற்களைக் கொண்ட வாயைத் திறந்து, பின்
வருமாறு கூறத் தொடங்கினான்:
|