119

இத்திறத் தாங்குறை யிரண்டு யூதர்கள் மைத்திறத் துளங்கெடின் வழங்கும் வெற்றியென் றெத்திறத் திலுமொருங் கியன்ற நாமெலாம் பொய்த்திறத் தவரைமுன் பொருதல் வேண்டுமால்.

"இத் திறத்து, ஆங்கு உறை இரண்டு யூதர்கள் மைத் திறத்து உளம் கெடின், வழங்கும் வெற்றி என்று, எத் திறத்திலும் ஒருங்கு இயன்ற நாம் எலாம், பொய்த் திறத்து அவரை முன் பொருதல்                                வேண்டும் ஆல்.

     "இவ்வகையாய், அங்கு வாழும் அவ்விரண்டு யூதர்களின் உள்ளமும்
இருளின் தன்மையாகக் கெடுமாயின், நமக்கு வெற்றி கிட்டுமென்று மதித்து,
ஒருங்கு கூடியுள்ள நாமெல்லாம், எந்த வகையிலேனும், நமது பொய்யின்
திறத்தால் அவர்களோடு முதலில் போர் தொடுத்தல் வேண்டும்.

     'ஆல்' அசைநிலை.

     "போர்ச் செயல் தொடங்குமிடத்து, நாம் அனைவரும் ஒரே
படையணியாக நின்று, அங்கே அவர்கள் நினைத்தற்கரிய வலிமையோடு
அதனைச் செய்த தன்மையால் அவர்களை மெலியுமாறு வென்ற பின், பூ
வரும்புகள் தோன்றும் எசித்து நாடு முழுவதையும் நாம் விருப்பத்திற்கு
ஏற்ப வெல்லுவோம்.