மக்கள், பொய்யை அடிப்படையாகக் கொண்ட வஞ்சனையில் திறமை
பூண்டு விளங்கிய பேய்கள் இவ்வாறு திரண்டு செய்யவிருக்கும் இருள்
மயமான போரில், இவ்வுலகத்தில் ஈடுகொடுத்துப் புண்ணியத்தில் எவர்
தாம் நிலைபெறுவர்?" என்பர்.

     "திசைகளெல்லாம் நடுங்கி, ஞானமும் தெளிவும் தவமும்
அறவொழுக்கமும் ஆகிய எல்லாம் மிகவே ஒதுங்கி விலகுமாறு, சினந்த
இத்தன்மையாக இவ்வுலகில் பேய்களெல்லாம் ஒருங்கே புகுந்து சேர்ந்து
நின்றவிடத்து, பொய்யும் கொலையும் களவும் காமமும் போன்ற எல்லாம்
தொகையாகப் பரந்து, மக்கள் தொகையிடையே எவர் தாம் தப்பிப்
பிழைப்பார்?" என்பர்.