தூணோடு கட்டப்பட்ட பல புலிகள், காயும் சினத்தின் மிகுதியால்,
கட்டிய சங்கிலியைக் கடித்துக் குதித்த தன்மையாக, அங்கிருந்து
அப்பக்கமாய்ப் பாய்ந்து செல்ல இயலாத மயக்கத்தோடு சினந்த பேய்கள்,
அங்கு நின்றே போரை வளர்த்தன.

     சினந்த பேய்கள், குதிரை உருவமும், ஆட்டுக் கிடாய் உருவமும்,
எருமைக் கடா உருவமும், பகைகொண்ட யானை உருவமும், கழுதை
உருவமும், குரங்கு உருவமும், சினம் கொண்ட சிங்க உருவமும், கரடி
உருவமும், கொம்புள்ள பன்றிகளின் உருவமும், நாய் உருவமும், புலி
உருவமுமாக மாறிய உருவங்களைக் காட்டி நின்றன.

     'அரி' என்ற பல பொருள் ஒரு சொல், 'கோட்டு' அடையாகக்
கொண்டமையின், கொம்பைப் போன்று வலிமையான வாயையுடைய
பன்றியைக் குறித்தது.