கடம் மாறு இல வெஞ்சின வேழமொடும், கனம் ஈரு கொடிஞ்சி                                      விமானமொடும், இடம் மாறி உகண்டன வாசியொடும், எரி ஊறிய வெங் கதம் ஆர்                                      விழியால், விடம் மாறு இல வெஞ்சிலை ஆதியொடும், விளை போர் உரி வாள்                                      வளைவேல் கவரும் தடம் மாறு இல வண் கர வீரரொடும், சல ராசியின் தோன்றியது, ஓர்                                      படையே.

     பேய்களின் ஒரு படை, மதம் மாறாத கொடுஞ்சினமுள்ள
யானைகளோடும், மேகத்தை அறுக்கும் தேர் மொட்டைக் கொண்ட
தேர்களோடும், இடம் மாறிக் குதித்த குதிரைகளோடும், நெருப்பு ஊறிய
கடுஞ்சினம் நிறைந்த கண்களோடு, நஞ்சு மாறாத கொடிய வில்
முதலியவற்றோடும், விளைகின்ற போருக்கு உரிய வாளும் சக்கரமும்
வேலும் தாங்கும் தடம் மாறாத தடக்கை கொண்ட வீரரோடும் கூடிக்
கடல் போல் தோன்றியது.