அழல் எழ வளைத்த சாபம் நிமிர் இல அரை நொடி முடித்து                                இலாது விடு கணை நிழல் எழ மருட்டு வானம் இருள் உற, நிரை நிரை எதிர்த்த கூளி                                அணி அணி புழல் எழ உரைத்த வாளி வழி வழி புனல் ஏன் இரத்தம் ஓட,                                மலைமுதல் சுழல் எழ உயிர்ப்பு வீசி, மெலிவு இல, சுனக முகன், முட்டி நீடு                                முனைகுவான்.

     நாய் முகங்கொண்ட மைத்தன், நெருப்புப் பிறக்க வளைத்த வில்
நிமிர்தல் இல்லாமல் அரை நொடி முடியு முன்னே ஏவிய அம்புகள் நிழல்
எழுமாறு மறைத்த வானத்தில் இருள் உண்டாகவும், வரிசை வரிசையாக
நின்று எதிர்த்த பேய்களின் படையணிகளின் மீது துளை உண்டாக மோதிய
அம்பு தைத்த இடங்களினின்று ஆறுபோல் இரத்தம் வடிந்து ஓடவும்,
மலைகள் முதலாய்ச் சுழன்று பெயருமாறு பெருமூச்சுவிட்டு, மெலியாமல்
மோதி நெடு நேரம் போரிடுவான்.

     நெடிய மலையைத் திரட்டி நீளமாக அமைத்தது போன்ற நெடிய
வில்லைத் தாங்கிய வீரங்கொண்ட வடுவனும், கொடிய மலைகளைச் சுருட்டி
அமைத்தன போன்ற தன் இரு புயங்கள் நிமிர வளைத்த வில்லினின்று