"விண்ணின் மேல் வைத்த நன்று இழந்த வெம் பழி, மண்ணின் மேல் வைத்த மன் உயிரின் வைத்த பேய், கண்ணின் மேல் வைத்த மாசு என்னக் காட்டிய எண்ணின் மேல் வைத்த உட்கு இயற்றும் மாயமே.

     "வானுலகில் தனக்கென வைத்திருந்த நன்மையை இழந்ததனாற்
கொண்ட கொடிய பழியை, மண்ணுலகில் படைத்து வைக்கப்பட்டுள்ள
மனித உயிர்களின் மீது காட்டி வைத்துள்ள பேய், காண்பவர் கண்ணில்
படிந்துள்ள மாசு இத்தோற்றம் என்பதுபோல் காட்டிய, எண்ணில்
அடங்காத அச்சத்தை விளைவிக்கும் மாயமே இது.

     'இது' என்பது வருவித்து உரைக்கப்பட்டது.

     "மாற்றுதற்கரிய தன் வஞ்சக மாய வித்தையால், தாங்குதற்கரிய
அச்சத்துடன் மனிதர் மனம் கலங்குமாறு, விலக்குதற்கரிய பழி பூண்டுள்ள
பேய் பாவத்தைப் புகுத்துதலால், இவ்வுலகமெல்லாம் தேற்றுதற்கரிய
அழிவுக்கு ஆளாகிச் சிதையும்.