யூதர் வெற்றிக் களிப்பு

     -மா, -மா, -மா, -மா, -மா, -மா

     "எசித்தியர்மீது சினங்கொண்ட ஆண்டவன், செங்கடலின்
மறுகரையில் இவ்யூதர்கள் சென்று சேர்ந்தனரென்று கண்டதும், மோயிசனை
நோக்கி, 'கடலினது தெளிந்த திரையின்மீது வல்லமை வாய்ந்த பிரம்பை
நீட்டு!' என்றார். அவ்வாறு நீட்டிய சீரால் அங்கு இரு பக்கமும் பிரிந்து
கவர் போல் நின்ற கடல், திரண்ட மலையின் மேல் மலை சரிந்து விழுந்தது
போல் அங்கு வீழ்ந்து கிடந்த எசித்தியர் மேல் கவிழ்ந்து மூடியது.
அக்கொடிய பகைவர், மேலே நுரை எழுந்து பரவக் கடலினுள் மூழ்கி
அமிழ்ந்து இறந்தனர்.