நிமிர்ந்த வைரம் போன்ற நெஞ்சம் கொண்ட சூசை தனது
பார்வையாலேயே, பேய்களின் வீரத்தை அழித்தான்; அவற்றை எதிர்த்துத்
தாக்கும் தன்மையாக, அறம் என்னும் கொடிய அம்பைப் பல தொடுப்பாக
அவற்றின் மீது செலுத்தினான்; பேய்கள் தன் மீது செலுத்திய
வேல்களையெல்லாம் தடுத்து நீக்கினான்.

     'நோக்கினான், தாக்கினான்' என்ற இடங்களில் 'ஆன்' மூன்றாம்
வேற்றுமை உருபு.

     வானுலகம் விரும்பித் தொழும் தன் தவமாகிய வில்லினால்
தூளாக்கித் தூவியது போலவும், தம் வலிமை கெட்டு அதிர்ச்சி கொண்ட
பேய்களெல்லாம் ஓய்ந்து நாணுமாறு, தன் இரு கால்களால் அவற்றை
ஒருங்கே பூமியிலிட்டுத் தேய்த்தது போலவும் ஒடுக்கினான்.