"பறவை ஆகாயத்தில் பறந்து சென்ற வழியையும், தெப்பம் நீரின்
மேல் மிதந்து சென்ற வழியையும் ஆராய்ந்து, ஒருவன் அவ்வழியைப்
பின்பற்றிச் சென்றடையக் கூடுமாயினும், உள்ளத்தின் வழியையும் கடந்து,
வேறு எவ்வகையாலும் சென்றடைய இயலாதவாறு, உயர்ந்து நிற்கும்
இயல்புள்ளவன் தான் யாரோ? உள்ளத்தின் வழியையும் கடந்து, வேறு
எவ்வகையாலும் சென்றடையாதவாறு, உயர்ந்து நிற்கும் இயல்புள்ளவன்,
வானுலகிற்கு அரசனாய் இருந்தும், முள் நிறைந்த வழியை ஏற்றுக் கொண்டு,
இம்மண்ணுலகில் துன்பத்துள் மூழ்கிக் கிடந்து அழும் நீயே அல்லவா?

     "சினத்தால் உலகத்தை எரிக்கக் கூடிய கண்ணை உடையவனாய்,
கருணையை வாரி வழங்க முற்பட்டால் ஆசை அவிய வழங்கும் உயர்ந்த
அருள் கொண்டவன் யாரோ? வழங்க முற்பட்டால் ஆசை அவிய
வழங்கும் உயர்ந்த அருள் கொண்டவன் நீயே அல்லவா? எனக்கு அரிய
உயிரானவனே, எப்படி ஆராய்ந்து பார்த்தாலும் யார் உனது இயல்பை
இம்மண்ணுலகில் அறிந்து கொள்வார்?"

             காபிரியல் தந்த படைப்புச் செய்தி

     - - காய், - - காய், -மா, தேமா, - - காய்.