"சிறப்புப் பொருந்திய மணி வகையும், மூன்று வகையாய் நிறைந்து
கிடக்கும் பசுமையான பூக்களின் வகையும், பூமியில் நிறைந்துள்ள
பயிர்களின் வகையும், பழங்களும் இனிய தேனுமாகிய பல வகையும்,
அழகு நிறைந்த நிறங்களின் வகையும், இன்பம் தந்து நுகரப்படும்
இசைகளின் வகையுமாக, கடல் சூழ்ந்த இப் பூவுலகின் செல்வம்
வரையறுத்துச் சொல்லும் நிலையில் இல்லை.

     பூ முப்பால் : கோட்டுப் பூ, கொடிப் பூ, நீர்ப்பூ.

     "வகைப் படுத்தி நான் சொல்ல முற்படும் போது என் சொல்லும்
குறைபடுமாறு, குவிந்த செல்வங்களை வெவ்வேறு தன்மையோடு வெவ்வேறு
இடங்களில் பரப்பிய பின், மண்ணின் மேலும் நீரின் மேலும் ஆகாயத்
திடத்தும் சிறகு கொண்டு பறந்து வாழும் பறவை இனங்களும், நீரில் வாழும்
மீன்களின் பல இனங்களும், ஒன்றுக்கொன்று மாறு பட்டு நெடிய பூமியில்
வாழும் உயிரினங்களும் எண்ணுக்கு அடங்காமல் இவனே தொகுத்து
வகைப்படுத்தினான்.