"மட்டு அற்ற புல் உயிர்கட்கு அரசன் ஆக, வானவர் போல் கட்டு அற்ற வேண்டுதல் வேண்டாமை வல்ல கருத்து உயிரை நட்டு, அற்றம்நிகர் கடந்த உருவின் மாமை ஞாயில் பொறித்து இட்டு, அற்றம் இன்றி மனுக் குலத்தை ஈன்றான், இத் திறத்தான்.

     "இத்தகைய திறம் படைத்த இவ்வாண்டவன், அளவற்ற அற்ப
உயிர்களுக்கெல்லாம் அரசனாக, வானவர் போல் கட்டற்றதும் வேண்டுதல்
வேண்டாமை என்ற உரிமையில் வல்லதுமான ஆன்மா என்ற கருத்து
உயிரை உள்ளே நட்டு, எல்லையும் ஒப்பும் கடந்த உடல் உருவமாகிய
அழகான மதிலை அமைத்துத் தந்து, மனித இனத்தைக் குறையின்றிப்
படைத்தான்.

     ஆன்மா இல்லாத பிற உயிர்களெல்லாம் 'புல்லுயிர்' எனப்பட்டன.
ஆன்மா கொண்ட மனித உயிர் 'கருத்து உயிர்' எனப்பட்டது.

     "கலைகளை வாரிக் கொண்ட கற்றவர் உணர்வுக்கும் எட்டாதவாறு,
இவையெல்லாம் படைத்துத் தொகுத்த பின், அவையெல்லாம் உணர்ந்து
கொள்ளாத மக்கள் துன்பம் அருந்துவதற்குக் காரணமான ஆசைக்கு