அடிமையாகி, அதன் மூலம் மனித இனம் எல்லாம் பாவ அழுக்குக்கு
ஆளாகியதென்று கண்டு ஆண்டவன் சினந்த காலத்தில், எல்லாமே
முற்றும் அழிக்கவென்று சினம் கொண்ட தன்மையை இனித் தொடர்ந்து
கூறுவேன்.

     இது, அது எனப் பொருள்படும் இற்று, அற்று என்ற ஒருமைச்
சொற்கள் இங்குப் பன்மை சுட்டி நின்றன.

                 உலகை அழித்த நிகழ்ச்சி

     - விளம், - விளம், - மா, கூவிளம்

     "கதிரவனின் கதிரால் விளக்கப்படும் இவ்வுலகத்தைப் படைத்து,
ஆண்டுகள் ஆயிரத்தறுநூற் றைம்பத்தாறு நடக்கையில், மக்களின் தீய
உள்ளத்தில் நிறைந்து கிடந்த பாவங்களைப் பொறுக்கமாட்டாமல்,
ஆண்டவன் வெறுத்த தன் உள்ளத்தில் சினச் செயலைக் காட்டக்
கருதினான்.

     ஆர்ந்தன - ஆர்ந்த; இடையே 'அன்' சாரியை.