102

ஆறொடு மாறொடு மரித நான்கினு மாறொடு மாறுமொய்த் ததிர்ந்தெ முந்திரை பாறொடு பாறெனப் பொருது பாரெலாம் பாறொடு பாறுநீர் படர்ந்து மொய்த்ததே.

"ஆறொடும் ஆறொடும் அரிதம் நான்கினும், ஆறொடும் ஆறு மொய்த்து, அதிர்ந்து எழும்                                திரை பாறொடு பாறு எனப் பொருது, பார் எலாம் பாறொடு பாறு நீர் படர்ந்து மொய்த்ததே.

     "ஆறோடு ஆறும் நான்குமாய்க் கிடந்த பதினாறு திசைகளிலும்,
ஆறுகளோடு ஆறுகள் ஒன்றாய்க் கலந்து, அதனால் அதிர்ந்து எழும்
திரைகள் கப்பலோடு கப்பல் மோதுவது போல் மோதி, பருந்தின்
வேகத்தோடு ஓடிய நீர் பூமியெங்கும் படர்ந்து மூடியது.

     "கரையோடு மோதும் கடல் பொங்கி முழங்கி, அதனால் உயர்ந்த
மலையையும் வீழ்த்தக் கூடிய திரைகள் மேகத்தில் பாய்ந்து மேலோங்க,
அதனால் ஒப்புமை இல்லாத முழக்கம் எழுந்தமையால், உலகம் முழுவதும்
சொல்லுக்கு அடங்காத நடுக்கங் கொண்டு முழங்கலாயிற்று.